بعد ان قطع يد امرأة بسيف… مجرم يغادر السجن بموجب عفو ملكي

2020-04-07T18:22:52+01:00
2020-04-07T18:27:48+01:00
فيسبوكيات
حسيمة سيتي7 أبريل 2020
بعد ان قطع يد امرأة بسيف… مجرم يغادر السجن بموجب عفو ملكي
رابط مختصر

هاد السيدة سميتها بهيجة لطفي من مدينة الدار البيضاء، بالضبط ف حي مولاي رشيد مجموعة 3 زنقة 29 رقم الدار 27.

بهيجة تبدلات حياتها قبل سبع سنين فاش خرجات تدي ولدها للسبيطار، تعرض ليها واحد وتعدى عليها وقطع ليها يديها، لقات راسها بين ليلة و ضحاها مُعوّاقة بفعل هاد التعدو من المدعو محمد د.
بهيجة رفعات عليه دعوة قضائية وسقطات بحجة أن السيد عندو اضطرابات نفسية وما بغاوش يسلموها التقرير الطبي ديال هذا اللي تكرفص عليها.

غاتجي الصحفية نهاد بنعگيدة وغادوّزها ف برنامجها “قصة الناس”، على قناة ميدي 1، فين عاودات على قصتها وتضامنوا معاها الناس وتحركات القضية ديالها من جديد، وفعلا حكمات المحكمة على المتهم ب 12 سنة حبس و 30 مليون سنتيم تعويض مادي على العاهة المستديمة، ما توصلاتش بتا سنتيم منو لغاية كتابة هاد الأسطر.

بهيجة أرملة مات ليها الراجل، عندها ولد مازال ما كملش 8 سنين (راه بان معاها فاللايف المباشر) و كاتقاتل مع مرض السرطان والاعاقة ديالها مع الواليد ديالها اللي عايشة معاه و هو المعيل الوحيد ليها.
بهيجة غا تفاجئ البارح باللّي صاحب دعوتها كايجي عندها تال للدار بكل وقاحة و غا تنهار نفسيا وغا تخرج تبكي وتغوت فلايڤ مُباشر على حقها لي ضاع بين ردهات المحاكم وكمل عليها العفو الملكي على المجرم اللّي دمّر ليها حياتها.

هاد اللايف اللي إنتشر إنتشار النار فالهشيم فوسائط التواصل الإجتماعي و شافوه و تفاعلوا معاه ملايين المغاربة.
اليوم بهيجة كاتناشدكم توقفوا معها فهاد الظروف العصيبة، توصلو رسالتها للجهات العليا اللي إرتكبات هاد الفضيحة، بغات حقها المدني لي هادي سنوات و هي كاتسناه من اللّي تعدا عليها، خلاتو لرب العالمين.

عبد العزيز الشاطر

اترك رد

نستخدم ملفات الكوكيز لنسهل عليك استخدام موقعنا الإلكتروني ونكيف المحتوى والإعلانات وفقا لمتطلباتك واحتياجاتك الخاصة، لتوفير ميزات وسائل التواصل الاجتماعية ولتحليل حركة الزيارات لدينا...لمعرفة المزيد

موافق