رسالة مشفرة لمن يهمه الامر …جمهور الرجاء يتضامن مع الزفزافي وباقي معتقلي حراك الريف

2019-11-24T06:33:43+01:00
2019-11-24T08:20:27+01:00
وطنية
حسيمة سيتي24 نوفمبر 2019
رسالة مشفرة لمن يهمه الامر …جمهور الرجاء يتضامن مع الزفزافي وباقي معتقلي حراك الريف
رابط مختصر

ابدع جمهور الرجاء البيضاوي يوم امس السبت بتيفو مستوحى من رواية جورج اوريل 1984 وغرفة 101 ذات الإشارة للاعتقال السياسي والتعذيب كشكل تضامني مع الزفزافي وباقي معتقلي حراك الريف.

وقد عبر الكثير من النشطاء عن اعجابهم بوعي جماهير الرجاء: ”يمككنا القول اننا لم نعد امام جمهور رياضي عادي ، بل نحن امام تنظيم سياسي حقيقي بايدولوجية واضحة و بمرجعية ثقافية كبيرة تتجاوز الرياضة بكثير ، فالغرفة 101 هي اقتباس واضح من رائعة جورج اورويل الشهيرة “1984” ، و التي ترمز فيها الغرفة 101 الى التعذيب و القمع و الاستبداد و الديكتاتورية”.

الى ماذا ترمز الغرفة 101؟

الروم 101 (الغرفة 101) اللي ترفع كشعار فالتيفو ديال الرجاء البيضاوي فالماتش ديالو اليوم ضد الوداد، هي غرفة مذكورة فرواية إبداعية سميتها 1984 ديال الكاتب و الروائي الإنجليزي جورج أورويل (إسمو الحقيقي إيريك أرثر بلير).

هاد الغرفة أسيدي قصتها بإختصار باش يفهم المتابع أش واقع، هي أن بطل الرواية و اللّي إسمو ونستون، فاش شدّوه البوليس (سمّاهوم جورج أورويل شُرطة الفِكر) و دّاوه للمقر ديال التحقيق فالكوميسارية (سمّاها جورج أورويل وزارة الحُبّ)، و بدّاو كيعذّبوه و كيستجوبوه ماشي باش يعطيهم معلومات على الناصيري و البطة فين مشات، لا، و إنما باش يغيّرو ليه طريقة التفكير ديالو و يولّي إنسان أخور.

من بعد هاد حصّة التعذيب، كيدّيوه كيلوحوه فالغرفة رقم 101، سبب إختيار جورج أورويل لهاد الرقم هو زعما بنادم كيدخل ليها رقم واحد، و كيعذبوه حتى كيرجع رقم 0 و من بعد كيخرج منها و هو رقم 1، أي إنسان جديد و بتفكير جديد.

فهاد الغرفة، التعذيب النفسي و الجسدي اللي كان فيها، كان إستثنائي على باقي الغرف فوزارة الحُب، بمعنى أنهم كانوا كيشدّوا فيها الواحد و كيسلّطوا عليه داكشي اللي كيخاف منّو باش يحطّموا القدرة ديالو على الصمود و ما يبقاش يقدر يقاوم.

و بطل الرواية اللي تشدّ، كان كيخاف من الفيران، و بالتالي جابوا ليه غا هوما، عمّروا ليه الغرفة 101 بالطّوبات و الفيران، حتى بقا كيغوّت، صافي باراكا، ما تجيبوهومش ليا، سيفطوهوم لجوليا.

هاد جوليا هي حبيبتو و الأميرة ديالو اللي كيحماق عليها، و باش يوصل أنه يقول ليهم سيفطوا هاد الطوبات و الفيران لجوليا، فا هنا تأكدوا صحاب الحال ديال وزارة الحب أنهم وصلوا لداكشي اللي بغاو، حطموا ونستون نفسانيا و عقليا و روحيا، و إستطعوا يخلقوا منو إنسان أخور مدمّر.

من بعد كيطلقوه و كيرجعوه للمجتمع و هو مغسول ليه الدماغ، و تغيّرات نظرتو للأمور تماما. هادي بإختصار قصة ديك الرووم 101 ديال رواية 1984 اللي هزوها “الجماهير” ديال الراجا اليوم فالتيران.

اترك رد

نستخدم ملفات الكوكيز لنسهل عليك استخدام موقعنا الإلكتروني ونكيف المحتوى والإعلانات وفقا لمتطلباتك واحتياجاتك الخاصة، لتوفير ميزات وسائل التواصل الاجتماعية ولتحليل حركة الزيارات لدينا...لمعرفة المزيد

موافق