مناضلي طنجة يتعاملون مع قضية اعتقال سعيد الزياني بنوع الاستخفاف و الاستهتار

جبالة
حسيمة سيتي22 نوفمبر 2019
مناضلي طنجة يتعاملون مع قضية اعتقال سعيد الزياني بنوع الاستخفاف و الاستهتار
رابط مختصر

اغلب مناضلي مدينة طنجة تعاملوا مع قضية اعتقال سعيد الزياني بنوع الاستخفاف و الاستهتار باش ما نقولش شي حاجة أخرى و كاين لي عامل راسو كاع ما هنا و كاين لي كاع ما ممسوق رغم ان سعيد كان دائما و ابدا يتواجد في الاشكال لي كيدعو ليها و الاكثر من ذلك كاين لي فيهم كيعتبر سعيد مجرد بائع سجائر و لذلك لا يجب التضامن معه ولو بمنشور و لان راسو قاصح يستهل الاعتقال حيت ما بغاش يسمع الهدرة مع العلم ان هاد الاشخاص نيت حاولنا معهم مرارا و تكرارا انهم يفكروا معنا فشي حل لمعضلة سعيد لكن حتا حد ما عطنا شي فكرة او حاول يساهم ولو بالقليل لانتشال هاد الرفيق من براتين الاعتقالات المتكررة بسبب بيعه للسجائر المهربة و لي غالباً كتكون المدخل لاعتقاله.

هادشي لا ينفي انه كاين رفاق عبروا على تضامنهم المادي و المعنوي مع سعيد لكن للأسف الشديد عددهم قليل جدا جدا جدا.

من هاد الصفحة كنبغي نوصل و هاد الرسالة لدوك لانتهازيين لغادي يهرولو لباب السجن نهار لي يخرج سعيد باش ياخدوا الصور و يرفعوا شارة النصر راه بلا تعذبوا راسكم لانني بصراحة مغاديش نستحمل نفاقكم و تواجدكم و ربما الأمور لن تكون في صالحكم لذلك من الافضل تبقاو في منازلكم و لي فشي مقهى يبقا فيها و لي فشي حانة حتا هو.

بالنسبة لي هادوك لي كيقولو على سعيد راه مجرد بائع سجائر و لا علاقة له بالنضال راكم معروفين و ملف اعتقال سعيد كشف الإنتقائية ديالكم و زيف شعارتكم
و في نهاية المنشور كنبغي نشكر و في نفس الوقت كنرفع القبعة لكل الأحرار لي تضامنو مع سعيد و لو بكلمة واحدة.

انور الطنجاوي

اترك رد

نستخدم ملفات الكوكيز لنسهل عليك استخدام موقعنا الإلكتروني ونكيف المحتوى والإعلانات وفقا لمتطلباتك واحتياجاتك الخاصة، لتوفير ميزات وسائل التواصل الاجتماعية ولتحليل حركة الزيارات لدينا...لمعرفة المزيد

موافق