مقال باللغة الريفية حول اعتقال الناشط الريفي محمد الأحمدي

حسيمة سيتي12 نوفمبر 2019
مقال باللغة الريفية حول اعتقال الناشط الريفي محمد الأحمدي
رابط مختصر

Al Hoceima, 11.11.2019 –

Abeljiki-Arifi Mohamed el Ahmadi, i ye3dan ass-a n retnayen 11 nufember 2019, jar ifassen n lwakil n lmalik, di lmehkama n Al Hoceima, arxun as dd, maca ad t d’faren di lh’ala n ssarah, ag ij n lkafala n 2000 DH. Ljelsa tamezgarut n lmuhakama ines ad tiri ass n 05 dujenbir 2019.

Moahmed el Ahmadi, izeddegh di temdint n Malin, yettwassen di llejna n Muhsin Fikri di Biljik. Tt’fen t lpulis tameddit n ssebt 09 nufember 2019 di lmat’ar n Al Hoceima, zi dd yusa zi Biljik, h’uma ad yegg ij n zziyara i babas i iherken.

Maci d ta d twarat tamezgarut mindeg yett’ef rmexzen ameghrabi iwdan zi Uruppa d Biljik, ira yezgur tt’fen Abeljiki-Arifi Wafi Kajoua zi temdint n Bruxelles, di ddiwana n Ayt Nsar jar n Mritc d Nador, hekkmen xes s useggwas n rhebs di lmehkama tamezgarut, zi ssinni ssneqsen as ghar tmenya i iyuren di listinaf.

Lwazir n barra n Biljik, ira yezgur yenna x Wafi Kajoua belli lwizara n barra n Biljik, ur ghares ci att’as n tzemmar ad ten ttegg xmi ttett’fen ci n ijjen ghares tnayen ljinsiyyat, tabeljikit d tmeghrabit, minzi di Lmeghrib yettwahsab d ameghrabi, tt’ebbaqen xes dinni lqanun n Lmeghrib, waxxa ghares ura d ljinsiyya temeghrabit.

Mohamed el Ahmadi, amux yenna wumas, ad dd yegg ass-a ij n ttewd’ih’ x min das iweq3en, d mayemmi t tt’fen di lmat’ar n Al Hoceima.

Yurat: Mohamed Ayoubi

اترك رد

نستخدم ملفات الكوكيز لنسهل عليك استخدام موقعنا الإلكتروني ونكيف المحتوى والإعلانات وفقا لمتطلباتك واحتياجاتك الخاصة، لتوفير ميزات وسائل التواصل الاجتماعية ولتحليل حركة الزيارات لدينا...لمعرفة المزيد

موافق