وفجأة اصبح الكل وطنيا بسبب غياب تقنية ال ”VAR” بالملعب

خميس بتكمنت

فجأة، صار منسوب الوطنية عند هاد الشعب مرتبط بالڤار و ارتفعت بتعطل هذه التقنية ، كلشي صار وطني فالدقيقة 65 ، شعب دايخ بغا يدير ربط مالا يربط بإقران الوطنية بنزال رياضي و خطأ تحكيمي.

كاع مابانت الوطنية نهار ضرب القاضي بالمارطو و وزع 308 سنة على الزفزافي و رفاقه فليلة وحدة ، كاع مابانت الوطنية نهار خرجات اغلبية المحكونة ببيان مشؤوم تشرعن فيه صك العمالة و الخيانة ضد ريف بأكمله ، كاع ماكاتبان الوطنية عند معاينة أناس يموتون على قوارع الطرق مشردين او على ابواب المستشفيات و هم ينتظرون موعد الفحص للي غايكون ف2020 ، كاع مابانت الوطنية نهار فضيحة مول لكراطة ، كاع مخرجو هاد الوطنيين فداك النهار يقولو علاش هادا للي سميتو اوزين ماتشدش و هو خاشي فجيبو جوج مليار و استبدل الصفقة بكراطة تفي بالغرض ، كاع ماقالو هاد الوطنيين علاش هاد الوزارة للي سميتها الشبيبة و الرياضة ولات وزارة كايديرو بها الخاطر لحليمة العسالي باش ماتتقلقش و يتخشاو فيها ناس شبيبة حزبها لضمان البزولة و الريع …

هاد الوطنيين كاع مابانو نهار تم استخدام جمهور محسوب على الوداد كدرع بلطجي يكسر و ينهب بالعلالي فالحسيمة و فلخر حسبو داكشي على الحراك باش يضربوه … كاع هاد الوطنيين مابانو نهار كان الشريف الامين ناصر الزفزافي كايغوت ” وا لخوت خرجو غوتو على حقكم راه حتى نتوما محكورين ” ، كاع مابانو هاد الوطنيين بعد تسريبات ويكيلكس و اوراق پنما ، كاع ماخرجو يقولو هادا حقنا علاش كاتشفروه و كاتهربوه لحسابات في جزر الجنان الضريبية ، كاع مابانو هاد الوطنيين نهار تجددات اتفاقية الصيد البحري مع الاتحاد الاوربي و تكرا لبحر بدرهم وربعين سنتيم للصيد فيه ، كاع مابانو يسولو فين كاتمشب مداخل الفوسفاط والا اطنان الذهب و الفضة التي تستخرج من مناجم محروسة ، كاع مابانت الوطنية نهار بداو مخططات خوصصة التعليم و الصحة و ماقالوش الناس فين يداواو ولادنا و فين يقراو ،كاع مابانو الوطنيين يقولو شهاد الشوهة على تخصيص 5000 درهم كتعويض على الكيسان و الطباصل للوزرا ، كاع ماهضرو على شكون كايستافد من مأذونيات الصيد في أعالي البحار و المقالع ، كاع مابانو هاد الوطنيين ملي كايبانو المغربيات ففيديوهات الخليجيين يرقصن يمين شمال و العتروس الخليجي مقصر كيغوت من النشوة “أحبّش المغرب و ناسو ” و هو كايضرب فالترامي ، كاع مابانو هاد الوطنيين ملي كايبانو التقارير الدولية التي تقبع المغرب في مؤخرة مؤشرات التنمية و جودة الصحة و التعليم و الرفاهية الاجتماعية … الوطنية ديالكم كاتبان مع التوش و أوغجو و بينالتي و ماكاتبانش عند سقوط الارواح التي لا قيمة لها عندكم …

لماتش د الكورة كيتحكم فيه عامل الفرجة و الاثارة و لا يتم تسييس الرياضة الا في الدول السلطوية التي تستخدم إثارة و استفزاز النفسية للتهييج و التدويخ ، كن كانت الوطنية مربوطة بماتش كانو سيكون البرازيليين للي هوما شياطن د الكرة اكبر الخونة نهار ختارو يستقبلو منتخبهم بالصفير و القراعي احتجاجا على تقهقر ادائه و شجعو البيرو ضد فمنتخب بلادهم فريو دي جانيرو ، و كان سيكون الارجنتنيين اكبر خونة نهار رفعو لافتة قد حيط التواركة مكتوب فيها ” ريفل بلايت يمشي يقود ” بعدما بانت تقارير التهرب الضريبي عند إدارة الفريق و التلاعب بالمباريات و كلنو سيكون البرشلونيين اكبر خونة نهار ختارو يمشيو لصناديق الاستفساء على مصير كاتالونيا و مامشاوش يتفرجو فميسي للي بقا فالكامب نو كايصفر .

كاع ماكاتبان الوطنية فالمعقول كاتبان غا فالدفيش و التخربيق يا تريكة حنا مابغيناش نكونو بحال سوريا و نهار كايخرجو يغوتو كايتحزمو ببواطا د السردين و كايغوتو بشكل مقرف ” حنا عندنا الدكا ” و ” جينا نخرجو بنكيمون من الصحرا “.

2019-06-01 2019-06-01

اترك رد

زاوية التعليقات هي جزء مكمّل للموضوع الذي قرأته للتو. حاول أن تحصر تعليقك في صلب الموضوع حتى نستثمر هذا التعليق لكسب المزيد من الفائدة سواءً عن طريق مناقشة الموضوع أو عن طريق إضافة معلومات مكمّلة أو إبداء ملاحظات أخرى في نفس السياق.

التعليقات6 تعليقات

  • غير معروف

    الهاء الشعب…..

  • محمد

    كل ماتقول صحيح ولكن تعرف ان الكرة مخدر يستعمل كيف يريدون ولكن تعريف الظلم تعريف واحد بالمغاربة عانوا عبر عشرات السنوات من ظلم وتحفيز التحكيم لتونس ومصر ولكن هذا المغربي الذي يتميز بالاتفاق والتعدد عنده اركان الاسلام هو صوم رمضان ورضى الوالدين يكيف الظلم كما يريد كما تتعرض الكرة المغربية الظلم فيجب انقر اولا ظلم المغربي في بلاده واحتقاره وكما نقول لتونس والترجي كفى بارما نقول املك المغرب كفى من تفسير المغاربة وانت تعوم بالذهب اغنى بلد في العالم وشعبها ثلثها في الشتات وثلثها يتسول وثلثها يترزق بلحظه كفى من اغتصاب وإهانة المغربيات في بلاد الاعراب المنافقون انت من اذللتنا بتفقيرنا وتجويعنا وبمراسيم العبودية والعار بركوع المغاربة لانسان مثلهم وفي بعض الأحيان احضان وسيارة حتى أصبحوا مقالات الاقربون والأعداء يهينونا ويحتقرونا

  • غير معروف

    كون وقعات العرجا كون نتا لول كتبتي عليها المريقي

  • غير معروف

    كما تدين تدان

  • غير معروف

    اولاد العبد

  • غير معروف

    انا واخويا على ابن عمي و انا وابن عمي على الغريب

حسيمة سيتي