معلومات جديدة و حصرية على عملية إطلاق النار التي نفذتها البحرية الملكية ضد مهاجرين مغاربة

جبالة
حسيمة سيتي26 سبتمبر 2018
معلومات جديدة و حصرية على  عملية إطلاق النار التي نفذتها البحرية الملكية ضد مهاجرين مغاربة
رابط مختصر

-آدم أفيلال

الدراري كاملين خرجو من سبتة ماشي من مارينا سمير كيف قالو.. الدراري لي كانو ماشين كاملين نقيين بزاف مخلصين الفلوس صحيحة.. كايخرجو من مارينا هيركوليس د سبتة و كايخلصو الصحيح حتى ل 7 د المليون و كتكون الطالعة مضمونة لأنها غالية.

خرجو عاديين من تماك و طالعين في البحر هوما ماشين و هجمو عليهم Guardia civil وسط البحر و هربو للجهة ديانا.. ملي هربو و دخلو علينا تدخلو لامارين ديانا فوقع ما وقع و شبكت القرطاص..

داك الرايس يعني مول الزدياكة لي كاتشوفها في الصورة فيه الوشم يعني غالبا غايكون گاوري.. ولد الحرام مقطار كان كيتخبأ بالدراري باش ماتجي فيه حتى قرطاصة عياو معه الدراري وقاف وقاف مابغاشي باش ما يطلقو عليهم القرطاص..

البنت لي ماتت الله يرحما اسما “حياة ب” خالقة في 1998 و ساكنة في جبل درسة كادقرا في كلية القانون هنا في مرتيل..

الدراري لي مجروحين عبد الحبيب ص” خالق في 1992 و”حمزة ب” خالق 1993 و” معاد أ” خالق في 1986 هذا الاخير لي شاوني اخرين كولشي تطوانين..

اترك رد

اكتب ملاحظة صغيرة عن التعليقات المنشورة على موقعك (يمكنك إخفاء هذه الملاحظة من إعدادات التعليقات)

التعليقات تعليقان

  • غير معروف

    رحم الله الميت وعجل شفاء الجريح والمريض. أما أنت يا صاحب الصفحة فدون بالفصحى

  • غير معروف

    لا حول و لا قوة الا بالله

نستخدم ملفات الكوكيز لنسهل عليك استخدام موقعنا الإلكتروني ونكيف المحتوى والإعلانات وفقا لمتطلباتك واحتياجاتك الخاصة، لتوفير ميزات وسائل التواصل الاجتماعية ولتحليل حركة الزيارات لدينا...لمعرفة المزيد

موافق