احتياطات ومعلومات لازم يعرفها كل واحد باش نتفاداو كارثة الإختناق بالبوطاغاز

2017-12-14T06:31:55+01:00
2017-12-14T06:34:00+01:00
مدارات
حسيمة سيتي14 ديسمبر 2017
احتياطات ومعلومات لازم يعرفها كل واحد باش نتفاداو كارثة الإختناق بالبوطاغاز
رابط مختصر

محمد أمين صالح عليوني

الناس لي كيموتوا بالشوفو نتاع الحمام والضحايا نتاع هاد الامر راه بالمئات كل سنة في المغرب.
واحد المغالطة كبيرة منتشرة في هاد الموضوع ولي الاسف الاغلبية نتاع الناس كتموت وهي في بالها السبب الخطأ وكان بإمكانها تفادا هاد الامر المأساوي.

أولا ماشي تسرب الغاز نتاع البوطة لي كيقتل وهذا خطأ مشاع
لأن الشركات نتاع قنينات الغاز دايرة لهاد لغاز رائحة تميزه عن باقي الغازات وبالتالي عند اي تسرب الضحية غادي يشم الغاز ويهرب زائد هو متيخنقش هو تيشتعل.

المهم انبسط الموضوع لأقصى الحدود من اجل التوصيل:

لا شك أننا جميعا لاحظنا أن كل الوفيات نتاع شوفويات نتاع الحمام في فصل الشتاء وحده رغم اننا كاملين تنخدموا هاد الشوفويات في باقي الفصول صيف وربيع وغيرها ومتيكونش كاع وفيات ولا حوادث من هاد القبيل
علاش ؟؟

لأن بكل بساطة ماشي الشوفوا لي كيقتل لي كيقتل هو الغاز السام احادي أكسيد الكربون.

كفاش ؟؟؟

المهم كلنا نعرف ان نسبة الاوكسيجين في الجو هي 21%

وكنا نعرف ان اي إحتراق كامل ضروري له من أوكسجين باش يكون كامل
دبا نربطوا هادشي بفصل الشتاء ؟؟ علاش الحوادث تتكون غير في فصل الشتاء وعلاش الضحية ما تيحس بوالوا تا كيموت وهو واقف ؟؟

الشوفوا نتاع لماء سواء كان نتاع ضو ولا نتاع البوطة تتكون فيه واحد الفلام صغيرة شاعلة
ديك الفلام ضروري ما خاصها الاوكسجين باش تدير إحتراق كامل

والانسان فاش تيكون داير الشوفوا فوسط الدار وتيكون فصل الشتاء تيكون كاااع الشراجم ومنافد دخول هواء جديد لدار مسدودة لأنه كاين البرد وبالتالي نسبة 21% نتاع الوكسجين لي فدار تتكون ثابثة وفاش تتشعل نتا داك الشوفوا ديك الفلام نتاعوا تتبدا تكونصومي من ديك 21% نتاع الاوكسجين حتا كتقل النسبة بزاف وهنا ديك الفلام مكتطفاش ولكن تدوز تدير عملية اخرى وهي الاحتراق الغير الكامل مع غاز ثنائي اوكسيد الكاربون وهاد الاحتراق الغير الكامل هو لي تيعطينا الغاز السام احادي أوكسيد الكاربون لي معندوا لا لون لا رائحة لكنه غاز سام ويقتل بسرعة.

ولي تفادي هاد الامر دير اخويا الشوفوا فشي بالكوا ولا حدا شي شرجم وفاش تبغي تدوش خلي شي شرجم محلول في دار منين يدخل شوية نتاع الاوكسجين والحمام لي كتدوش فيه ضروري ليه من شي فتحة نتاع التهوية ولا شرجيم وخا غير صغير.

وهادشي راه نفس المبدأ بالنسبة للناس لي كتموت بالفاخر ولا بالشوفوا ولا باي حاجة فيها العافية
وكاين بعض المناطق تيديروا البوطة الصغيرة تيدخلوها معاهوم لدوش باش تسخن الدوش قالك وكتكنصومي ليهوم ديك البركة نتاع الاوكسجين وكيغتنقوا.

كما كان ايطرا اليوم لواحد سيدة تنعرفها لولا ان الله حفظها وكنت شرحت ليها هاد الامر لكن مداتهاش فهضرتي لانها دئما تدير هاد القضية ومتيوقع ليها والوا.

وهي معرفاتش علاش متيوقع ليها والوا ديك المرات لانها مكانتش تطول في دوش وكانت تتخرج قبل ما يتسلة كاع الاوكسجين دبا طولات ولولى حفظ الله كانت اتمشي فيها.

اترك رد

نستخدم ملفات الكوكيز لنسهل عليك استخدام موقعنا الإلكتروني ونكيف المحتوى والإعلانات وفقا لمتطلباتك واحتياجاتك الخاصة، لتوفير ميزات وسائل التواصل الاجتماعية ولتحليل حركة الزيارات لدينا...لمعرفة المزيد

موافق