مقارنة بين الامازيغ : سواسة، ريافة، الشلوح و لقبايل ديال دْزايْر… أيهم اقرب الى تاسيس دولة؟

فيسبوكيات
حسيمة سيتي6 نوفمبر 2015
مقارنة بين الامازيغ : سواسة، ريافة، الشلوح و لقبايل ديال دْزايْر… أيهم اقرب الى تاسيس دولة؟

موحماد مول الحانوت

لمغريب قال ليك ولا حتا هو بغا يضرب طر لدزاير ويلعب ليه فالقبايل وهادشي مكندخلش فيه حيت فايتني بزاف وديال ناس لكبار ولكن يجي بنادم وبقا يقارن الامازيغ ديال لمغريب مع ديال دزاير راه غي كيخربق حيت لا علاقة بحال الا كتقارن سما مع الارض.

المغريب فيه تلاتة الانواع ديال الامازيغ كاين سواسة لي هوما عماليقة فالاقتيصاد ولكن اقزام فسياسة قليل فاش غادي تلقا شي سوسي كيمارس سياسة وراكوم شفتو سعد دين لعوتماني براسو دارو ليه ميسا وجراو عليه من وزارة لخاريجية حيت نية بزاف وكود وسياسة مكتبغيش هوكا ودارو بلاصتو سياسي موحناك وواعر لي هو مزوار لي يقدر يصلي فالحرمين شريفين مع لماليك ديال سعودية ويضرب شراب مع هيلاري كلينطون….. سواسة ضعاف فسياسة حيت ريوسا لكبار ديالهوم خانزين فلوس وممحتاجينش ليها ولمخير فالولات ولعومال ولوزاراء ولكوميسيرات ولكرايدية لكبار كيستقبلوهوم فدار وكيوكلوهوم بحال بيشا ديال تيزنيت لي لفلوس ديالو خلاتو يضرب ويقيس غي من لبعيد…..
كاين ريافة وخا هوما كيتعتابرو الامازيغ لقاسحين فالمغريب حيت عندهوم تاريخ مقود مع لمخزن وفايت لاحو عليهوم لحراقية شحال هادي كيبقاو مخونجين بزاف وعندهوم موحترفين بزاف فسوريا ولعيراق ولهادشي مشروع ديالهوم فاشيل قبل مايبدا حيت ماعندهومش اجماع على كيفاش خاص تكون دولا ديالهوم نوخبا ديالهوم عيلمانية ولكن لقاعيدة كولها مخونجة وكتسيطر عليها الامية وعندها عوقاد بزاف وماعارفينش شنو بغاو بالضبط….. الا تلاقيتي بريافة غادي يهضرو معاك بالريفية وتقدر دور فيه حيت نتا مكتعرفش ليها غادي يقول ليك سير تقود واش نتا واحد كتهضر بالعربية تجي تفرضها علينا حنا خمسا… ولاكن لاش دابا ريافة مخونجين ومازال متمسكين بلوغة ديالهوم ياك لوغة لعربية موقداسة وهي لوغة ديال جنة علاش ماتقتلش ريفية بمرة وتغامر بيها وتهضر بالعربية لي هي لوغة ديال رسول موحماد صلاعليه وسلاما اعز لخلق……..
كاين زيان والامازيغ ديال خنيفرا ونواحي ديال مكناس كيتميزو بالطاسة والقرطاسة وكيخرجو موتقافين حيت ملي مكتكونش لحبة ولفلوس كيبقا لكتاب هو لوسيلا لوحيدا باش توصل ولكن وخا ما مخونجينش بزاف كتبقا الامية عندهوم بزاف كيشبهو لأيزاكارن بزاف وكيمارسو نفس سياسة لي يقدر يمارسها اي واحد فالمغريب ومايقدروش ينجحو فشي مشروع سياسي حيت يقدرو يردمو اي حاجة على ود عاهرة ولا لقرعة ……………
الامازيغ ديال لقبايل صعاب بزاف ومكيشبهو لينا اولا حيت تعاشرو مع لفرانصيص ولمسالي فيهوم كتلقا عندو الفين كلمة ديال لفرونصي وخداو من عندهوم بزاف ديال لحوايج بحال لعيلمانية ديال بصح وكيخرجو كاع فرمضان وكيفطرو وسير عاودها لكر* ابوتفليقة…. عندهوم نوخبا كبيرا بزاف دوزات لحباسات فتمانينات بسباب مشاكيل ديال لوغة وتقافة وعاودوها ف سنوات ديال 2000 عندهوم كوتاب وموغنيين وحتى لفريق ديالهوم شبيبة لقبايل هزو بيه لقضية ديالهوم وحيح فكاس لكونفيدرالية الافريقية قبل مايجي لمخزن ويفركت ليهوم لفرقة…. الاسلام ودين عندهوم حاجة شكلية وخا كاينين فدولا ديال دزاير لي مازالا موحافيضة…. فالاعلام وخا ما عندهومش فلوس دارو تلاتة ديال لقنوات فقمر اطلانتيك بيرد وكيتشدو حتى فنيلسات لي هي بيغبيغ موزيك وبيغبيغ تيفي وبيغبيغ جونيس كيبانو بحال الا مصورين بلبورطابل ولكن موصلين صوت ديالهوم لعالام ومامسوقينش لديك لقناة تمازيغت لي مدايراها ليهوم دزاير….
فسياسة مشاو بعيد لداخل دايرين جوج احزاب تجموع من اجل تقافة وديموقراطية وجبهة لقيوا الاشتيراكيا وبرا دارو حكومة فباريس كيقصفو بيها ودارو نشيد لوطني ديالهوم وحتى لاكارط ناسيونال ودارو حتى درابو جديد حيت ماراضيينش ومكتسمحش ليهوم لقيمة ديالهوم يهزو نفس درابو لي كيهزو كربوز مخونج فالحسيمة ولا اكادير….. ناس متقفين وقاريين ومتقدمين بزاف وعندهوم تاريخ ومكيشبهوش الامازيغ لوخرين بحال لمزاب وتوارك لي يقدر يقتلك على درهم… ونهار غادي تكعا فرانسا على دزاير و تقلب على شي ضربا فشمال افريقيا غادي تعول على لقبايل حيت عندهوم جميع شروط باش ينفصلو..
اما الامازيغ ديال لمغريب ولا حتا ايزاكارن ديالو راه كنتشابهو ومجموعين من عند ربي وفينا كاع لعيوب ومخورين كيما قال لفيلاسوف لكبير عزوز….. كنتجامعو فبزاف ديال لحوايج وغي ميتال اول واحد كيهجم على عصيد ملي كيلوح شي قورطاسة فقادوس هوما لكرابز…… لكربوز فالمغريب مازال ماعندوش ل*لاوي باش يمارس سياسة موتقديمة ولحاجة لوحيدة لي يقدر يديرها دابا هو يفتح شي حانوت شوكا ويجيب لخوبز ولكومير لحومة ديالو يفيق قبل مايفيقو ويتسنى حتى ينعسو باش هو يمشي يطفي ضو و ينعس.
رابط مختصر

تعليقك يهمنا

اكتب ملاحظة صغيرة عن التعليقات المنشورة على موقعك (يمكنك إخفاء هذه الملاحظة من إعدادات التعليقات)

التعليقات 21 تعليق

  • النايت صالح

    كيف تكون لهم جمهورية ويسيرها أمثالك يا أمي .يا جاهل .كلنا مع المملكة المغربية ومع الملك محمد السادس نصره الملك الساسي العبقري الحكيم .وخسئت يا لعين يا داعية الفتنة والفتنة لأبدعوا لها الا جاهل مثلك وعاش الملك الله الوطن الملك

  • بشرى

    هههه لستم متفقين على لغة واحدة وستتفقون على تأسيس دولة برضاة الخميني غتأسسو الزمر…المغرب أرض الاسلام ولى زمن الوثنية هههه فالاول قلنا حقكم الساعة ولاو ليهود ونصارى باغي يهضرو على المغاربة كاع هادوك لي دايرين فيها مقاومين قارين ف فرنسا ومتشبعين بالفكر لي زرعوه فيهم ..خاصنا استفتاء فهاد البلاد وديرو جمهوريتكم والله ماغتبقى شي حاجة فالخريطة سميتها المغرب الكبير ….

  • عبد الله اغونان

    يظهر من لغتك مستواك العلمي والسياسي, مالين لحوانت الحقيقيين هم

    من لديهم الوطنية الحقيقية فهم أبعد عن العنصرية والكراهية والتدجين

    وأحلام السراب

    ان سمحنا بهذه الطائفية فالأمازيغ المغاربة أنفسهم غير متفقين داخل

    اللهجة الواحدة فكما يختلفون في الكلام يختلفون في القرار

    باعترافك وتفضيلك القبائل الجزائرية كنموذج مفترض لدوله أمازيغية

    بمساعدة الاستعمار الفرنسي مما يجعل رهانها خاسرا

    من وكلكم الحديث عن الأمازيغ؟ بل حتى مكاسب الأمازيغية هي بالضبط
    منح مخزنية
    النعيق بنصرة دولة قبائلية مزعومة اصطياد في الماء العكر والا فبنفس المنطق يزكي الطرح الانفصالي في الصحراء والذي تتبناه الجزائر
    الاعتراف بدولة قبائلية مجرد ورقة ضغط تستعمل للضغط على الجزائر وستترك عند استنفادها
    والا سينقلب السحر على الساحر
    عاش المغاربة عربا وأمازيغ اخوة في الدين والوطن

  • Houda Bartal

    مالكم ما راضيينش بالمغرب ملي بغيتوا تأسسوا دولة ؟؟!!!!

  • Said Wamra

    انشاء الله الامازيغ سيؤسسؤن دولتهم في افريقيا بالتحديد بما يسما المغرب العربي تحية كبيرة لامازيغ العالم الكونغريس العالمي الامازيغي يدرس حاليا الموضوع

  • Ali Sami Sami

    أغلبية يساريون وملحدون يسبون الله والرسول ولا يصومون ولا يصلون ويسخرون بالمسلمين inakh istiklal taz minghakoum oghakoum bou al mokawilat dawla ليست لديكم مقومات دولة يا متخلفين

  • Dirar Lagdali

    عهههههه بفضل جبالكم كلها مقالع حجرية

  • Ayoub Taibi

    كفاكم تفرقة وإلى متى تظلون تسعوا بإنبات الحقد وهيجه بين المجتمعات الناشئة تحملوا وزر اخطائكم..نحن مجتمعات عروقهم مختلفة لكن في الاخير دم واحد دين واحد رب واحد كونوا اخوانا فأكرمنا ليس بالانتماء وإنما اكرمنا عند الله بالتقوى

  • Elias Riffi

    Rif viva

  • عمر زريوح

    الناس تتحد وانتم تفترقون تبا لكم

  • Mohamed Elkhatabi

    الريف وما أدراك ما الريف

  • Siempri Khaled

    لقبابل ثم الريف و من ثم الجمهوريات المحتلة الباقية .
    قريباً بإذن الله

  • حسيمي.ريفي حسيمي. ريفي

    امزيغ واحد على قلب رجل واحد

  • عبد العزيز المنصوري

    اضن اذا كانت جمهورية الربف ستكونها انت واختك اما باقي الريغيين مع محمد السادس فكلهم يحبون ملكهم ووطنهم لقد طالت التنمية كل مناطق الريف الابعض العنصيون يررددون مثل هذه الافكار

  • Hadj Machiavel

    Rif

  • Said Eddouhri

    الريف قريب انشاء الله الجمهورية الاتحادية لريف

  • Afajah Narif Narif

    btlata

  • Mayoss Rifoss

    Rwafa.icha.lah.wl9bayal.

  • Om Arwa

    Rwafa tab3an

  • Mohammed Tammsamen

    Viva anti national

  • Farah Rifiya

    Akid ahfad abdkrim alkhatabi rwafa

نستخدم ملفات الكوكيز لنسهل عليك استخدام موقعنا الإلكتروني ونكيف المحتوى والإعلانات وفقا لمتطلباتك واحتياجاتك الخاصة، لتوفير ميزات وسائل التواصل الاجتماعية ولتحليل حركة الزيارات لدينا...لمعرفة المزيد

موافق
MobilePC