وانتم تخوضون حملة ”زيرو كريساج” لا تنسوا الكريساج ”هاي كلاس”!

Brahim Left Handed

و انتم تخوضون حملة “زيرو ڭريساج” ما تنساوش لڭريساج الناعم ديال كبار اللصوص للي تيڭلعو ليك سروالك من مصاصطك بلا ما يهزو عليك لا جنوية و لا سيف. راه هوما منابع الجريمة بكل تمظهراتها: نهبو لبلاد و ما زالو، خرجو على التعليم و نشرو ثقافة الاغتناء السريع بحيث منهم ناس بداوْ ڭريسونات تاع الكار و صبحو ملاك الأراضي و العقارات و حسابات بنكية فالداخل و الخارج. آش تتسنى فبلاد ما فيها ما يدار و صايڭينهنا الجهال و الأميين، إعلامها و نخبها بئيسة و فاسدة و تعليمها كسيح و بـ”زيرو جودة” واش بغيتي بلاد بهاد الشكل تعطيك الملائكة؟ راه عادي أنها تخرج ليك غير قطاع الطرق. ربما غادي دڭولو راني تنبرر لڭريساج.أنا مع محو المجرم للي تيتعدى بالسلاح من الوجود أولا. حيدو من الطريق عاد بدا تتقلب على جذور هاد الآفة و من تم معالجتها.كاينين أمراض ما تيتعالجوش بالأدوية بوحدها، خاصها الاستئصال عاد يمكن من بعد الدوا يعطي المفعول ديالو.لبرازيل قلصت من الجريمة من خلال محاربة البؤس الاجتماعي و لكن كذلك من خلال واحد الأداة فعالة و هي وحدات الباراميليتير للي خلاّت المجرم تيآمن بنسبة كبيرة أن السرقة و الاعتداء بالسلاح الناري غيكلفو حياتو بحيث في غالب الأحيان غيرجع كسكاس ديال لعراس بسبب خراطيش les fusils d’assaut ديال وحدات الباراميليتير. كاينة واحد المسألة تنساوها: راه القرقوبي العب دور كبير في استفحال ظاهرة الڭريساج و لهذا خاص مروجي هاد الحبوب للي شديتي دينمو ماشي تحاكمو و طسيفطو الحبس. أنا مع تربط ال*امل بوه بالسلاسل و كل نهار وكلو 100 حبة ديال القرقوبي و حط ليه زيزوار بعيد عليه، غادي يبغي يقطع لحمو و ما غيوصلش ليه و غيموت بالفقصة.

loading...
2016-07-22 2016-07-22
اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *


شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

زاوية التعليقات هي جزء مكمّل للموضوع الذي قرأته للتو. حاول أن تحصر تعليقك في صلب الموضوع حتى نستثمر هذا التعليق لكسب المزيد من الفائدة سواءً عن طريق مناقشة الموضوع أو عن طريق إضافة معلومات مكمّلة أو إبداء ملاحظات أخرى في نفس السياق.

حسيمة سيتي