الدجاج المحمر على طريقة الاعراس المغربية

تحضير الدجاج محمر على طريقة الطيبات ديال العراسات 3 دجاجات , البصلة, الربيع, الحامض مصير,الزيت الرومية والبلدية,العطرية طريقة : أول حاجة كنشدو الدجاج كنغسلوه مزيان بالملح و الحامض و نقيوه مزيان من الداخل من بعد كنغسلوه مزيان و كنديره يقطر و كنشدو بانيو كندير فيه حامضة معصرة,البزار ,القزبر,سكنجبير كنشدو هاد الخليط او كنرقدو فالدجاج من الدخل و من برا ونخليو الدجاج يبات فالشرمولة ليلة كاملة فتلاجة الغد ليه نجبدوه و نقطعو البصلة كنشدو الطنجرة كنديرو فيها الزيت البلدية +شوية ديال الزيت الرومية كيسخنو كنشدو البصلة كندروها فالطنجرة و كنخليوها تقلا كنضفو عليها المقادير التالية البزار +سكنجبير +الزعفران +التومة معصرة +القزبر +معلقة كبيرة ديال السمن +القلب ديال حمضة مسيرة الملح مكندروهش حيت الدجاج مرقد فيه كنضفو جميع المقادير فوق البصلة كنحركو مزيان ثم كنحطو الدجاج فالطنجرة و كننقصو البوطة و كنخليو البصلة تطلق الماء ديالها ليبيه كيطيب الدجاج على خاطرو

كنشدو لغلاقة ديال الطنجرة و كنحطو فوقها الزعفران شعرة يسخن مزيان تم كنحكوه بالكف ديالنا او كنديروه فالدجاج و كنسدو الطنجرة و كنخليو الدجاج يطيب كنشدو لقشاوش ديال الدجاج كنغسلهم مزيان او كنديرهم فكسرنة فيها شوية ديال الماء يتسلقو نصف سلقة باش يبقاو صاينين و ما يتفرتتوش منين نضيفوهم على المرقة ديال الدجاج من بعدما طاب الدجاج كنحيدوه او كنحطوه على جنب و كنرميو فالمرقة ديال الدجاج هدوك لقشاوش بعدما صفيناهم من الماء مزيان تم كنضيفو الزيتون

كنبداو نقليو فالدجاج

الدجاج المحمر على طريقة الاعراس المغربية

كنخليو المرقة حتى كتشرب مزيان او توقف او تولي خاترة عاد كنطفيو عليها و كنشدو جلوف ديال الحمض مصيرين كنقطعهم طوال و كنزوقو بهم الدجاج

نتمنى يعجبكم حبيباتيالدجاج المحمر على طريقة الاعراس المغربية

2015-12-10 2015-12-10
اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *


شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

زاوية التعليقات هي جزء مكمّل للموضوع الذي قرأته للتو. حاول أن تحصر تعليقك في صلب الموضوع حتى نستثمر هذا التعليق لكسب المزيد من الفائدة سواءً عن طريق مناقشة الموضوع أو عن طريق إضافة معلومات مكمّلة أو إبداء ملاحظات أخرى في نفس السياق.

حسيمة سيتي